Li Zanîngeha Bîlgî ya Stenbolê, ji bo lêkolîner-nivîskar Mehmet Bayrak “Çalakiya Rêzgirtinê” wê were lidarxistin. Bayrak, bi nêzî çil pirtûk û gelek gotarên xwe, li ser ziman, çand, dîrok û erdnîgariyên Tirkiyeyê xebatên pir girîng kirine.
Li Zanîngeha Bîlgî ya Stenbolê, ji bo nirxandina xebatên akademîk û weşangeriyê yên ji nîv sedsalî zêdetir ên lêkolîner-nivîskar Mehmet Bayrak, di bin navê “Rêzgirtina ji bo Mehmet Bayrak” de bernameyek tê sazkirin.
Çalakiya “Rêzgirtina ji bo Mehmet Bayrak”, di 6ê Hezîrana 2026an de di navbera saet 14.00-18.00ê de li Kampûsa E1 – 301 ya Santralistanbulê ya Zanîngeha Bîlgiyê dê pêk were..
Bayrak ji Turkolojiyê heta Kurdolojiyê, ji Aşiqên Ermenî heta xebatên Elewîtiyê, ji Etnomuzîkolojiyê heta dîroka jinan û ji Tevfik Fikret heta Qirkirina Dêrsimê, li ser gelek qadên berfireh xebatên bêhempa kirine. Ji bo guftûgokirina vê keda wî ya nîvsedsalî, hezkiriyên wî û xwendekarên dîrokê li hev dicivin.
Bayrak, bi nêzî çil pirtûk û gelek gotarên xwe, li ser ziman, çand, dîrok û erdnîgariyên Tirkiyeyê xebatên pir girîng kirine. Mîrasa akademîk û entelektûel a Bayrak, bi nirxandinên beşdarên ji qadên cuda dê ji nîqaşê re bê vekirin.
Bernameya Çalakiyê
Çalakî dê ji du beşan pêk bê û bernameya wê wiha ye:
Beşa 1emîn: Weşangerî, Xebatên Lêkolîner-Nivîskariyê û Jiyana Taybet
- Gulay Bayrak: “Jiyana Wî, Cîhana Ramanê û Ezmûna Jiyana Pêkve”
- Devrim Bayrak (Online): “Li Ser Şopa Bav, Ezmûna Turkolojiyê”
- Ozgur Bayrak (Online): “Wekî Fîgurekî Bav ê Rewşenbîr: Mehmet Bayrak”
- Yusuf Alataş: “Pêvajoyên Hiqûqî Yên ku Mehmet Bayrak Di Çarçoveya Xebatên Weşangeriyê de Rûbirû Maye û Parastina Azadiya Derbirînê”
- İsmail Aktaş: “Di Nav Pratîkên Weşangeriya Alternatîf de Cih û Keda Mehmet Bayrak”
Beşa 2emîn: Ji Turkolojiyê Heta Kurdolojiyê: Keda wî ya ji bo lêkolînên çandên Tirkiyeyê
- Nesimi Aday: “Xebatên Kurdên Elewî, Aliyê Dij-Asîmîlasyonîst û Bandora Wî ya li Ser Nifşê 90’î”
- Baskın Oran (Online): “Bi Rêya Naskirina Mehmet Bayrak Têkildarbûna Min a bi Pirsgirêka Kurd re”
- Ulaş Ozdemir: “Li Ser Lêkolînên Stranên Gel û Wêjeyê yên Mehmet Bayrak, Bifikirîna ji Nû ve”
- Martin Van Bruinessen (Online): “Naskirina Min a bi Mehmet Bayrak re”
- Selim Temo (Online): “Xwendinên 35 Salan”
- Namik Kemal Dinç: “Di Kurdolojiyê de Pêşengekî Rêveker: Mehmet Bayrak”
Agahiyên Çalakiyê:
- Dîrok: 6 Pûşper 2026
- Saet: 14:00 – 18:00
- Cih: Zanîngeha Bîlgiyê ya Stenbolê, Kampusa santralistanbul E1-301
Têbinî: Ji bo têketina kampusê, hûn dikarin deriyê “Ketina Mêvanan” bi kar bînin.
